simbulu de S'ARGIDDA
S'ARGIDDA
di Fausto Caboni
sienda agricula
produsidura de spetzias, cardulinu, legumini, ortalitzia, lori
versione italiana english version versioni sarda
Amigus carus,
mi nanta Fausto Caboni e tenju 45 annus. Quatordixi annus fait apu tentu su "makimini" de mi nci ghetai in s'istrada traballosa de sa messaritzia.
Sa sienda mia s'agatat in Santu Ainju e nascit de atesu, candu is iaius e bisaius mius teniant giai custas terras pressiosas. Issus, a trevessu de babu miu, m'ant trasmitiu sa passioni po das cuidai e po ndi otenni cussus produtus sintzillus ki prus de totus sa Terra nosta de Sardinnya scit donai.
Manixu cosas simplis in biologicu: legumini, trigu, musunju, tengiu un'ortu i unu vargeri pitikeddus, medas arratzas de spetzias... intr'e custas, tenju su tzafaranu, ki s'agatat meda in is satus nostus (sceti in Santu Ainju fadeus prus de sa mitadi de su tzafaranu natzionali) e ki, po sa nidesa, sa sintzillidadi e sa calidadi sua, est su ki si narat "su frori in su trau".
Is urtimas passionis mias, ki seu manixendi de pagu, funt su pibironeddu habanero strapitziosu e su cardulinu shiitake, ki fait meda profetu a sa saludi.
A bortas certaus contras a sa disdiša, ki donat tempus de sšutori de no crei intreveraus cun atrus ki proidi aici meda ki no si podit traballai sa terra. Atras bortas certaus contras a sa tirria de sa burocratzia, ki promitit ajudus po sa messaritzia ma ki donat casi sempri sceti medas scramentus.
Mancai totu custu, sa passioni est forti i, abetiosu cumenti seus nosus Sardus, seu seguru ki sa calidadi de is produtus mius antis o pustis at d'essi arreconnota in d-unu mundu ki stat acatendisì ki papendi cosas trastocadas de donnya manera si nci scalabrat sa saludi e no s'apannyat su paladari!