simbulu de S'ARGIDDA
S'ARGIDDA
di Fausto Caboni
versione italiana deutsche version english version version franšaise versioni sarda
sienda agricula
produsidura de spetzias, cardulinu, legumini, ortalitzia, lori

atrus produtus biologicus

cixiri
cixiri
Cixiri biologicu
Sa variedadi ki manijaus de medas annus est sa "pascià", unu cixiri frunzìu de medida media.
Bellu siat po contornu ki de protagonista in medas arretzetas, su cixiri totu sa noti si ponit a amoddiai in acua cun d-una cullera de bicarbonau e sa dì sighenti si ponit a buddiri po un'orixedda.
ortalitzia
crocoriga
Ortalitzia biologica
Totu s'annu manijaus medas variedadis de ortalitzia arrespetendi is tempus suus: lattia, cançofa, tamatiga, pedringianu, piberoni, fenugu, cauli e cauli a frori, ecc..
In s'acabu de s'istadi bessit sa crocoriga, de sa variedadi atlantic giant a sa red kuri, de sa marina di chioggia a sa moscato di provenza, de sa butternut a sa blu d'ungheria...
patata
patata
Patata biologica
No podit amancai sa patata, ki seminaus, ki su crima du permitit, in s'acabu de friarju.
Manijaus prus ki totu variedadis de prupa groga, comenti sa "spunta" o sa "monalisa", bonas po das coi de donnya manera poita potant una prupa bastanti tipia ki s'açupada prus pagu cun s'ollu.
trigu
trigu
Trigu arrubiu biologicu
Fintzas de is tempus antigus, sa Sardinnya produsia meda trigu (is Arromanus antigus di narànt "solariu de Italia").
Importantzia meda tenit sa variedadi antiga "Senatore Cappelli", ki bitius in d-una mola de perda de una bidda acanta aundi du molint cun temperaduras bascias e ndi faint simbula bona meda po aprontai su pani tipicu sardu.
alkekenju
alkekenju
Alkekenju biologicu
S'alkekenju est unu frutu grogu-aranju pitikeddu e saborìu inserrau aintru de is petalus e nadìu de Perù.
Tenit unu sabori comenti ki fessit una tamatighedda druci e si podit umperai, a parti po du papai diretamenti, po du ponni in is trutas o po ndi fai marmelladas.
meli
meli
Meli
Pagu de prus ki po si spassiai, in sa sienda teneus calincunu casiddu ki si produsit unu pagu de meli.
Est unu meli millifroris, mancai, faci a su mes'e austu, custu millifroris s'assimbillat meda, de sabori e de colori, a unu meli bellu de ocalitu, poita in su costau s'agatat unu padenti mannu de ocalitus.